myUpchar प्लस+ के साथ पूरेे परिवार के हेल्थ खर्च पर भारी बचत

பூண்டு, அதன் குணமளிக்கும் பண்புகள் மற்றும் ஆரோக்கியம் சார்ந்த நன்மைகளுக்காகப் பரவலாகப் பயன்படுத்தப்படுகிற ஒரு சமையல் பொருள் ஆகும். அது, உணவுகளுக்கு ஒரு தனித்துவமான காரத்தைத் தருகிறது, மேலும் அது, உலகம் முழுவதும் உள்ள சமையல் கலை வல்லுநர்களால் உணவுகளுக்கு சுவையூட்ட பயன்படுத்தப்படுகிறது. அடிப்படையில் பூண்டு மத்திய ஆசிய பகுதியை சார்ந்தது ஆனால், அதன் சமையல் மற்றும் மருத்துவப் பயன்களால், மிகவும் பரந்த அளவில் பரவி இருக்கிற ஒரு வரலாறைக் கொண்டிருக்கிறது. யு.எஸ்.டி.ஏ (அமெரிக்க ஐக்கிய நாடுகள் வேளாண்மைத் துறை)யின் கருத்துப்படி, பயிரிடப்படும் மிகவும் பழமையான பயிர்களில் பூண்டும் ஒன்று ஆகும்.

பூண்டு, சுமேரியர்களால் கிட்டத்தட்ட கி.மு. 2100 ஆம் ஆண்டுக்கு முந்தைய காலத்திலேயே பயன்படுத்தப்பட்டது. பண்டைய இந்தியர்கள், பூண்டினை அதன் குணமளிக்கும் மற்றும் பசியுணர்வை அதிகரிக்கும் நன்மைகளுக்காகப் பயன்படுத்தினர். கிரீஸில், சில தெய்வங்களுக்குப் பொருத்தமான காணிக்கைகளாகப் பூண்டு கருதப்பட்டது என அறிந்தால் நீங்கள் மேலும் ஆர்வம் அடைவீர்கள். சில வரலாற்று அறிஞர்கள் கருத்துப்படி, பண்டைய கிரீஸில், ஒலிம்பிக் விளையாட்டில் விளையாடிய விளையாட்டு வீரர்கள், தங்கள் செயல்பாட்டினை மேம்படுத்த பூண்டினை உட்கொண்டனர். 

ஈரான், திபெத், இஸ்ரேல், பெர்சியர்கள், பாபிலோனியர்கள், உள்ளிட்ட நீண்டு கொண்டே செல்லும் பட்டியல் கொண்ட, ஏறத்தாழ உலகம் முழுவதும் உள்ள முக்கிய நாகரிகங்களில், பூண்டின் பயன்கள் மற்றும் மருத்துவப் பயன்களுக்கான குறிப்புகள் கண்டறியப்பட்டு இருக்கின்றன. சொல்லப் போனால், பூண்டினுடைய குணமளிக்கும் நன்மைகள் காரணமாக, "இயற்கையான நுண்ணுயிர் எதிர்ப்பி" "தாவர கவசம்" மற்றும் "ரஷ்ய பென்சிலின்" போன்ற பொருள்படும் படியாக, உலகம் முழுவதும் உள்ள சுகாதார நிபுணர்கள் மூலம், அது தன் பெயரைப் பெற்று இருக்கிறது. பூண்டு, அதன் ஆரோக்கியத்தை அதிகரிக்கும் நன்மைகள் காரணமாக, எகிப்தியர்களால் அதிகமான விலைக்கு விற்கப்பட்டது என்பதை நீங்கள் அறிந்தால், அது உங்களை மேலும் ஆச்சரியப்படுத்தும். இன்னும் சொல்லப் போனால், பண்டைய எகிப்தில், சில கல்லினால் செதுக்கப்பட்ட "எகிப்திய கல்வெட்டு"களில், பிரமிடுகளைக் கட்டும் பணியில் ஈடுபடுத்தப்பட்டு இருந்த அடிமைகளுக்கு, பூண்டு ஒரு ஊட்டச்சத்து சேர்க்கைப் பொருளாகப் பயன்படுத்தப்பட்டது என எழுதப்பட்டு இருக்கிறது. அனைத்து அடிமைகளுக்கும் தேவையான அளவுக்கு, பூண்டு பெறுவதற்கு, எகிப்தியர்களால் பெரிய அளவிலான செல்வம் செலவிடப்பட்டது.

உங்களுக்குத் தெரியுமா?

பூண்டு, ஆயுர்வேத சுவைகள் ஆறில் ஐந்தைக் கொண்டிருக்கிறது. அவையாவன, காரம், உப்புதன்மை,இனிப்பு, கசப்பு மற்றும் துவர்ப்பு ஆகும். புளிப்பு சுவை மட்டுமே அதில் இல்லை.

பூண்டினைப் பற்றிய சில அடிப்படை விவரங்கள்

  • தாவரவியல் பெயர்அள்ளியம் சட்டிவும்
  • குடும்பம்: அல்லியசியயி/ அமரிலிடசியயி (லில்லியசியயி)
  • பொதுவான பெயர்கள்: பூண்டு, லெஹ்சூன்
  • சமஸ்கிருதப் பெயர்லசுனா
  • பயன்படும் பாகங்கள்: கிழங்குகள், வெண் குருத்துகள் (சமையலுக்காக)
  • சொந்த பிராந்தியம் மற்றும் புவியியல் பரவுதல்: பூண்டு செடி ஆசியாவை சார்ந்த ஒன்றாகும். அது இந்தியா, சீனா, எகிப்து, ஐரோப்பா, ஈரான் மற்றும் மெக்ஸிகோவில் வளர்க்கப்படுகிறது
  • ஆற்றலியல்: வெப்பம்
  1. பூண்டின் வகைகள் மற்றும் பிரிவுகள் - Types and Varieties of Garlic in Tamil
  2. பூண்டில் உள்ள ஊட்டச்சத்து விவரங்கள் - Garlic Nutritional Facts in Tamil
  3. பூண்டின் ஆரோக்கியம் சார்ந்த நன்மைகள் - Garlic health benefits in Tamil
  4. பூண்டை எவ்வாறு பயன்படுத்துவது - How to use garlic in Tamil
  5. தினசரி எவ்வளவு பூண்டு எடுத்துக் கொள்ளலாம் - How much garlic can be taken everyday in Tamil
  6. பூண்டின் பக்க விளைவுகள் - Garlic side effects in Tamil

பூண்டின் வகைகள்

பூண்டு, 1 மீ வரை வளரக் கூடிய, விறைப்பான வெற்று தண்டுகளைக் கொண்ட, ஒரு மூலிகை சார்ந்த தாவரமாகும். பூண்டு கிழங்கு பூமிக்கு அடியில் வளர்கிறது மேலும் அது, பொதுவாக பூண்டு பற்கள் என அழைக்கப்படுகின்ற சிறிய மொட்டுக்களாகப் பிரிகின்றது. இயற்பியல் கூறுகள் அமைப்பின் அடிப்படையில், பூண்டு இரண்டு வகைகள் ஆகும்..

  • கடின - கழுத்து பூண்டு:
    கிழங்கின் நடுவில் வெளியே வரும் ஒரு தண்டினைக் கொண்டு வகைப்படுத்தப்படுவது. இவை கடுமையான குளிர்காலத்தில் நன்கு செழித்து வளர்கின்றன. ஒரு ஒற்றை கிழங்கில் குறைவான எண்ணிக்கையில் பற்கள் இருக்கின்றன.
     
  • மென்மை - கழுத்து பூண்டு:
    கிழங்கில் எந்த ஒரு தண்டும் இருப்பது கிடையாது. ஒவ்வொரு கிழங்கிலும் அதிகமான பற்களை (20க்கு கூட போகலாம்) கொண்டு இருக்கின்றன. ஒப்பீட்டளவில் இது குறைவான கடுமை கொண்ட பருவநிலைகளில் வளர்கிறது மற்றும் கடின கழுத்து பூண்டுடன் ஒப்பிடும் போது, ஒரு மிதமான சுவையைக் கொண்டிருக்கிறது.

பூண்டின் பிரிவுகள்: பச்சை பூண்டு மற்றும் பூண்டு விழுதுகள்

நாம் எப்போதாவது பூண்டு பற்றிப் பேசும் போது, பச்சை பூண்டு மற்றும்

விழுதுகள் ஆகிய வார்த்தைகளை மாறி மாறிப் பயன்படுத்துகிறோம், ஆனால், அந்த இரண்டு வார்த்தைகளுக்கும் இடையே ஒரு சிறிய வித்தியாசம் இருக்கிறது.

இந்த இரண்டுமே, சமையலில் பயன்படுத்தும் அதே பூண்டு தான். ஆனால் அவை, பூண்டு செடியின் வளர்ச்சியின் மாறுபட்ட நிலைகளில் அறுவடை செய்யப்படுபவை ஆகும். பாரம்பரியமாக, பச்சை பூண்டு என்பது நன்கு வளர்ச்சி அடையாத சிறிய பூண்டு கிழங்குகள் ஆகும். மற்றொரு புறம், பூண்டு விழுதுகள் என்பவை என்னவென்று பார்த்தால், விதை பைகள் தோன்றியவுடன், ஆனால் அவை திறப்பதற்கு சரியாக முன்பு. அறுவடை செய்யப்படும் பூண்டு செடியின் தளிர்கள் ஆகும். நமக்கு வழக்கமாகத் தெரிந்த பூண்டு என்பது, விதை பைகள் திறந்த பிறகு அறுவடை செய்யப்படுகிறது.

ஒவ்வொரு 100 கிராம் பச்சை பூண்டிலும் உள்ள ஊட்டச்சத்துக்கள் பற்றிய விவரங்கள் பின்வருமாறு

விவரங்கள் அளவு
தண்ணீர் 58.6கி
கார்போஹைட்ரேட்டுகள் 33கி
நார்ச்சத்து 2கி
புரதச்சத்து 6.4கி
சுண்ணாம்புச்சத்து 181மி.கி

ஒவ்வொரு 100 கிராமில் உள்ள ஆற்றல்: 149 கலோரிகள்

பூண்டு, மனித உடலுக்கு பலவித ஆரோக்கியமளிக்கும் நன்மைகளைக் கொண்டிருக்கிறது. மிகவும் முக்கியமாக, அது ஒரு நுண்ணுயிர் எதிர்ப்பி, ஆக்சிஜனேற்ற எதிர்ப்பி மற்றும் ஒரு மிகச்சிறந்த அழற்சி -எதிர்ப்பு சக்தியைக் கொண்டது. இந்தப் பண்புகள் இணைந்து, அதனை ஆரோக்கியத்திலும் மற்றும் குணமளிப்பதிலும்  ஒரு சாதனையாளன் ஆக்குகிறது. இப்பொழுது நாம், பூண்டின் ஆரோக்கியம் சார்ந்த நன்மைகளில் சிலவற்றைப் பற்றிப் பேசலாம்.

  • இதயநாள ஆரோக்கியத்துக்கு நன்மை அளிக்கக் கூடியது: பூண்டு, அதன் இதய நாளத்துக்கு அளிக்கின்ற நன்மைகளால் நன்கு அறியப்பட்டு இருக்கிறது. அது, கொழுப்பு அளவுகளை பராமரிப்பது, இரத்தம் உறைந்து கட்டியாவதைத் தடுப்பது மற்றும் இதய தசைகளை வலுப்படுத்துவது போன்றவற்றின் மூலம் இதய நோய்கள் வருவதற்கான அபாயத்தைக் குறைக்கிறது.
  • நீரிழிவு - எதிர்ப்பு தன்மை உடையது: பூண்டு, பாரம்பரியமாக ஒரு நீரிழிவு - எதிர்ப்பு காரணியாகப் பயன்படுத்தப்படுகிறது. தொடர்ச்சியாகப் பூண்டு எடுத்துக் கொள்வது, நீரிழிவு நோயாளிகளின் இரத்த சர்க்கரை அளவுகளை பராமரிப்பதில் உதவிகரமாக இருப்பதாக, தனிப்பட்ட நபர்கள் மீது நடத்தப்பட்ட மருத்துவ ஆய்வுகள் மூலம் கண்டறியப்பட்டுள்ளன.
  • உடல் எடைக் குறைப்பை ஊக்குவிக்கிறது: உங்கள் உடலில் உள்ள அதிகப்படியான கொழுப்பை எரிப்பதன் மூலம், உடல் எடையைக் குறைப்பதற்கு, பூண்டு உங்களுக்கு உதவுகிறது. பூண்டு உட்கொள்வது, 24 நாட்களுக்குள் உடல் எடை குறைப்புக்கு வழிவகுக்கும் என மருத்துவ ரீதியாக செய்து காட்டப்பட்டிருக்கிறது.
  • ஜலதோஷத்தில் இருந்து நிவாரணம் அளிக்கிறது: பூண்டு, மனித உடலின் மீது ஒரு வெப்பமூட்டும் விளைவைக் கொண்டிருக்கிறது. அதனால் அது ஜலதோஷத்தின் அறிகுறிகளைக் குறைப்பதில் திறன்மிக்கதாக இருக்கிறது.
  • சருமத்துக்கு நன்மை அளிக்கக் கூடியது: பூண்டு, இரத்த சுழற்சி மற்றும் தோல் மறுஉருவாக்கத்தை அதிகரிக்கிறது. அது ஒரு இளமையான மற்றும் பொலிவான தோற்றமுடைய சருமத்துக்கு வழிவகுக்கிறது. மேலும் அது, முகப்பரு, சோரியாசிஸ் மற்றும் எக்சிமா போன்ற சரும பிரச்சினைகள் ஏற்படாமலும் தடுக்கிறது.
  • வாய் சுகாதாரத்தை மேம்படுத்துகிறது: பூண்டு ஒரு மிகச்சிறந்த நுண்ணுயிர் எதிர்ப்பி ஆகும். அது, வாயிலுள்ள நுண்ணுயிரிகளைக் குறைக்க உதவுகிறது, அதனால் வாயில் ஏற்படும் நோய்த்தொற்றுகள் மற்றும் பற்களின் பராமரிப்பில் ஏற்படும் பிரச்சினைகள் ஆகியவை ஏற்படும் அபாயத்தைக் குறைக்கிறது.
  • மாதவிடாய் சுழற்சி நின்ற பிறகான அறிகுறிகளைக் குறைக்கிறது: ஒரு மிகச் சிறந்த ஆக்சிஜனேற்ற எதிர்ப்பியாக பூண்டு இருப்பதால், அது, ஆக்சிஜனேற்ற நச்சுத்தன்மை ஏற்படுவதைக் குறைக்கிறது மற்றும், மன ஊசலாட்டம் மற்றும் மன எரிச்சல் உணர்வு போன்ற மாதவிடாய் நின்றதற்கு பிறகான அறிகுறிகளைக் குறைக்கவும் உதவுகிறது.

மேலே கூறப்பட்ட நன்மைகளைத் தவிர்த்து பூண்டு, அழற்சியில் இருந்து நிவாரணம் அளிப்பதிலும் மற்றும் புற்றுநோய் செல்களின் வளர்ச்சியைத் தடுப்பதிலும் கூட உதவிகரமாக இருக்கிறது. இந்த தாவரத்தில் இருந்து அதிகபட்ச நன்மைகளைப் பெறுவதைப் பற்றிய ஆய்வுகள், இன்னமும் நடந்து கொண்டு தான் இருக்கின்றன.

  1. நீரிழிவுக்காக பூண்டு - Garlic for diabetes in Tamil
  2. கொழுப்பு அளவுகளுக்காக பூண்டு - Garlic for cholesterol in Tamil
  3. இதயத்துக்காக பூண்டு - Garlic for heart in Tamil

நீரிழிவுக்காக பூண்டு - Garlic for diabetes in Tamil

பாரம்பரிய மருத்துவ முறையில் பூண்டு, ஒரு நீரிழிவு- எதிர்ப்பியாக மிகவும் பிரபலம் ஆகும். நீரிழிவு நோயினால் பாதிக்கப்பட்ட நோயாளிகளிடம் நடத்தப்பட்ட சமீபத்திய மருத்துவ ஆய்வுகள், பூண்டு இரத்த சர்க்கரை அளவுகளைக் குறைப்பதில் திறன்மிக்கவை எனத் தெரிவிக்கின்றன. இரண்டு குழுக்களாக உள்ள நபர்களிடம் நடத்தப்பட்ட ஆய்வில், மாறுபட்ட கால அளவு நாட்களில் 0.05 கி முதல் 1.5 கி வரை வேறுபடும் அளவுகளில் பூண்டு, ஒரு குழுவினருக்கு மட்டும் வழங்கப்பட்டது. பூண்டு வழங்கப்படாத நபர்களுடன் ஒப்பிடும் போது, பூண்டினை தொடர்ச்சியாக எடுத்துக் கொண்ட நபர்களின், உணவுக்கு முந்தைய இரத்த சர்க்கரை அளவுகள், குறிப்பிடத்தக்க அளவில் குறைந்து இருப்பது கண்டறியப்பட்டு இருக்கிறது. உங்கள் ஆரோக்கியத்துக்கும் மற்றும் நாக்குக்கும் ஒரே நேரத்தில் பணியாற்றும், ஒரு உணவை விட சிறந்தது ஏதேனும் இருக்கிறதா? மற்றொரு ஆய்வில், பூண்டு குழாய்மாத்திரைகளின் சர்க்கரைக் குறைப்பு (இரத்த சரக்கரையைக் குறைத்தல்) விளைவுகளைப் பரிசோதிக்க அவை, 126மி.கி/டி.எல் அளவு உணவுக்கு முந்தைய இரத்த சர்க்கரை அளவுகளைக் கொண்ட, நீரிழிவினால் பாதிக்கப்பட்ட நபர்களின் ஒரு குழுவுக்கு, ஒரு நன்கு அறியப்பட்ட நீரிழிவு எதிர்ப்பு மருந்து (மெட்ஃபார்மின்) ஒரு குழாய் மாத்திரையுடன் சேர்த்து வழங்கப்பட்டது. முடிவுகள் 24 நாட்களுக்குப் பின்னர் கவனிக்கப்பட்டன. அவற்றில், மெட்ஃபார்மின் (0.05%) மட்டுமே எடுத்துக் கொண்ட குழுவில் இருந்த நபர்களோடு ஒப்பிடும் போது, பூண்டு மற்றும் மெட்ஃபார்மின் சேர்த்து எடுத்துக் கொண்ட குழுவில் இருந்த நபர்களின், இரத்த சர்க்கரை அளவுகளில் ஒரு குறிப்பிடத்தக்க அளவிலான குறைவு (ஏறத்தாழ 3%) காணப்பட்டது. உங்கள் ஆரோக்கிய தேவை மற்றும் உங்கள் சுவைகள், இரண்டையும் அளிக்கிற ஒரு உணவை விட சிறந்தது எது. எந்த ஒரு உணவையும் அதன் மருத்துவ நன்மைகளுக்காக எடுத்துக் கொள்ளும் பொழுது நிதானமான போக்கைக் கடைப்பிடிக்குமாறு எப்போதும் அறிவுறுத்தப்படுகிறது.

(மேலும் படிக்க: நீரிழிவு சிகிச்சை)

கொழுப்பு அளவுகளுக்காக பூண்டு - Garlic for cholesterol in Tamil

உடலில் அதிகப்படியான கொழுப்பு அளவுகளும் மற்றும் தீங்கு விளைவிக்கக் கூடிய கொழுப்புகளும், இதயம் சம்பந்தமான நோய்களுக்கு மற்றும் தமனிதடிப்புக்கு (இரத்த குழாய்களில் கொழுப்பு படிதல்) முக்கியமான காரணமாக இருந்திருக்கிறது. இன்றைய உலகில், நோய்களுக்கும் மற்றும் மரணத்திற்கும் முக்கியமான காரணங்களில் ஒன்றாக, வாழ்க்கைமுறை மற்றும் முதுமை தொடர்பான பிரச்சினைகள் ஆகியவை இருக்கின்றன. இது போன்ற நோய்களை ஏற்படுத்தும் அபாய காரணிகளைக் குறைப்பதற்கு மற்றும் போக்குவதற்கு, உணவுடன் பிற்சேர்க்கை உணவை எடுத்துக் கொள்வது மற்றும் ஆரோக்கியமான வாழ்க்கைமுறை பழக்கங்களைப் பின்பற்றுவது ஆகியவையே மீதமிருக்கும் சிறந்த நிவாரணமாக இருக்கிறது. பூண்டு, நமது உடல்களில் கொழுப்பு அளவுகளைப் பராமரிப்பது மற்றும் இதயத்தை ஆரோக்கியமாக வைத்துக் கொள்வதில் அதன் நன்மைகளுக்காக, ஆயுர்வேதத்தில் பயன்படுத்தப்பட்டு வருகிறது. 50 ஆரோக்கியமான நபர்களை (ஆண்கள் மற்றும் பெண்கள் இருவரும்) கொண்ட ஒரு குழுவின் மீது சமீபத்தில் நடத்தப்பட்ட ஆய்வுகள், ஆயுர்வேதத்தின் கூற்றினை உறுதி செய்கின்றன. 90 நாட்கள் கால அளவுக்குப் பிறகு, பூண்டை உட்கொள்வதால் இரத்த கொழுப்பு அளவுகள், ஒரு கணிசமான அளவில் குறைந்து காணப்பட்டது. அந்த ஆய்வு மேலும், தினசரி பூண்டு உட்கொள்வது, நமது உடலில் உயர்-அடர்த்தி (நல்ல) கொழுப்பு அளவுகளை அதிகரிக்கின்ற அதே வேளையில் கூடவே, குறை-அடர்த்தி (கெட்ட) கொழுப்புகளைக் குறைக்கிறது எனத் தெரிவிக்கிறது. பிறகு, இந்த கொழுப்புக்களின் சமநிலை, இரத்தத் குழாய்களில் கொழுப்பு படிமங்கள் சேரும் அபாயத்தைக் குறைக்க வழிவகுக்கிறது, மேலும் பக்கவாதம் மற்றும் மாரடைப்பு போன்ற இதயநாள பிரச்சினைகள் வருவதற்கான சாத்தியங்களை, ஒரு கணிசமான அளவுக்கு குறைக்கிறது.

இதயத்துக்காக பூண்டு - Garlic for heart in Tamil

பெரும்பாலும் இதய நோய்கள், உடலில் அதிகப்படியான கொழுப்பு அளவுகள், உள்மூலக்கூறு சேதாரம், மற்றும் முக்கியமான இரத்தக் குழாய்களில் இரத்தம் உறைந்து கட்டியாகுதல் போன்ற காரணிகளோடு தொடர்புடையவையாக இருக்கின்றன. ஒரு ஆக்சிஜனேற்ற எதிர்ப்பி, ஒரு ஹைப்போலிபிடெமிக் மற்றும் இரத்தம் உறைதலை தடுக்கும் காரணிகளைக் கொண்ட ஒன்றாக பூண்டு, எதுவாக இருக்கிறதோ இல்லையோ, ஆனால் இதய நோய்களுக்கு ஒரு அருமருந்தாக இருக்கிறது. ஆயுர்வேதத்தில் பூண்டு, இதயத்துக்கு ஒரு சத்து மருந்தாக அறியப்படுகிறது. தொடர்ச்சியாக பூண்டு பற்களை உட்கொள்வது, இரத்த அழுத்தத்தைக் குறைப்பது மட்டும் அல்லாமல் கூடவே, இரத்தம் உறைந்து கெட்டியாவதையும் மற்றும் அத்தோடு இணைந்த, பக்கவாதம் மற்றும் மாரடைப்பு போன்ற பிரச்சினைகள் ஏற்படும் வாய்ப்புகளைக் குறைக்கவும் உதவுகிறது. ஊட்டச்சத்துக்கான பத்திரிகையில் வெளியிடப்பட்ட ஒரு ஆய்வுக் கட்டுரையில் கூறியதன் படி, பூண்டின் ஆரோக்கியமளிக்கும் நன்மைகளைப் பரிசோதிக்க, எண்ணற்ற ஆய்வுகள் மேற்கொள்ளப்பட்டு இருக்கின்றன. குறைந்தபட்சம் 44% அளவு மருத்துவ ஆய்வுகள், தொடர்ச்சியாக பூண்டு உட்கொண்டு வருவது, இரத்தத்தில் உள்ள கொழுப்பு அளவுகளைக் குறைப்பதிலும் மற்றும் இரத்தத்தில் இரத்த தட்டுக்கள் திரளுதலைத் (இரத்தம் உறைந்து கட்டியாகுதல்) தவிர்ப்பதிலும் ஒரு திறன்மிக்க விளைவைக் கொண்டிருக்கிறது, என சுட்டிக் காட்டுகின்றன. இருப்பினும், நீங்கள் ஒரு இதய நோயினால் பாதிக்கப்பட்டவராக இருந்தால், உங்கள் உணவில் ஆரோக்கியத்துக்கான ஒரு பிற்சேர்க்கைப் பொருளாக பூண்டை எடுத்துக் கொள்ளும் முன்னர், உங்கள் மருத்துவரிடம் ஆலோசனை செய்வது எப்போதும் அறிவுறுத்தப்படுகிறது.

பச்சை பூண்டு, காய்கறி கூட்டு, பொரியல்கள், குழம்புகள், ரொட்டி, இன்ன பிற உணவுகள் ஆகியவற்றுக்கு சுவையூட்ட, பரவலாகப் பயன்படுத்தப்படுகிறது. அது உணவுகளுக்கு பெரும்பாலான இத்தாலிய வகை உணவுகளில் இருப்பது போன்ற ஒரு காரமான மணத்தை வழங்குகிறது. பச்சை பூண்டு வெறும் வயிற்றில் எடுத்துக் கொள்ளப்படும் போது, பலவித ஆரோக்கிய நன்மைகளை கொண்டிருப்பதாக அறியப்படுகிறது. பூண்டு எண்ணெய், உணவுகளுக்கு சுவை ஊட்டவும் மற்றும் முடிக்கு மேற்பூச்சாகத் தடவுவதற்கும் பயன்படுத்தப்படுகிறது. இருந்தாலும் பூண்டு, பூண்டு மாத்திரைகள், குழாய் மாத்திரைகள் மற்றும் பொடி வடிவத்திலும் சந்தையில் விற்பனைக்கு கிடைக்கிறது. உங்களுக்கு மூலிகை நிவாரணிகள் பிடித்தமானவை என்றால், நீங்கள் பூண்டு தேநீர், கஷாயம் (ஆல்கஹால் சாறுகள்) மற்றும் பசை (கட்டுப் போட உதவும் ஒரு பசை) ஆகியவற்றையும் பயன்படுத்திப் பார்க்கலாம்.

பூண்டை எவ்வாறு சேமித்து வைப்பது

பூண்டு, இருண்ட மற்றும் வறண்ட சூழ்நிலைகளில் நீண்ட நாட்களுக்கு கெடாமல் நீடித்து இருக்கிறது. தனித்தனியான பூண்டு பற்கள், ஒரு வார காலத்துக்குள் தங்கள் புதுத்தன்மையை இழக்கின்ற வகையில் இருக்கின்றன. எனவே, நீண்ட நாட்களுக்கு கெடாமல் வைத்திருக்க, சரியாக நீங்கள் பயன்படுத்துவதற்கு முன்பு வரை, கிழங்கை முழுமையாக வைத்திருப்பது மிகவும் நல்லது ஆகும்.

பொதுவாக, பெரிய பக்க விளைவுகள் ஏதும் இல்லாமல் 2 முதல் 5 கிராம்கள் வரையில் பச்சை பூண்டு மற்றும் 1 கிராம் அளவு பூண்டு பொடி எடுத்துக் கொள்ள முடியும். ஆனால், பூண்டின் வகை, உங்கள் உடல் அமைப்பு, ஏற்றுக்கொள்ளும் தன்மை மற்றும் அறிகுறிகள் ஆகியவற்றைப் பொறுத்து எடுத்துக் கொள்ளும் அளவுகள் வேறுபடுகின்றன. எனவே, ஒரு ஆரோக்கியத்துக்கான பிற்சேர்க்கை பொருள் என்ற வடிவத்தில் பூண்டை எடுத்துக் கொள்ளும் முன்னர், உங்கள் ஆயுர்வேத மருத்துவரிடம் ஆலோசனை செய்வது மிகவும் நல்லது.

  • பூண்டு ஒரு இயற்கையான இரத்த மெலிதாக்கி ஆகும். எனவே நீங்கள் ஏற்கனவே இரத்த மெலிதாக்கி மருந்துகளை எடுத்துக் கொண்டு இருந்தால், அல்லது அறுவை சிகிச்சை செய்து கொள்ளப் போவதாக இருந்தால், பூண்டை ஒரு பிற்சேர்க்கை உணவாக உட்கொள்ளாமல் இருப்பது மிகவும் நல்லது.
  • நீங்கள் ஒரு பரிந்துரைக்கப்பட்ட மருந்தை எடுத்துக் கொண்டு இருந்தால், ஆரோக்கியத்துக்கான ஒரு பிற்சேர்க்கை பொருளாக பூண்டை எடுத்துக் கொள்ளும் முன்னர் உங்கள் மருத்துவரிடம் ஆலோசிப்பது நல்லது.
  • சில நேரங்களில், நீண்ட நாட்களுக்கு மேற்பூச்சாக பச்சை பூண்டினை தடவுவது, தோல் எரிச்சல் மற்றும் எரிகாயங்களுக்கு காரணமாகிறது என தெரிவிக்கப்பட்டு இருக்கிறது. எனவே, நீங்கள் இயற்கையாகவே ஒரு உணர்திறன் மிக்க சருமத்தைக் கொண்டிருந்தால், பூண்டினைத் தவிர்ப்பது மிகவும் நல்லது.
  • பூண்டு ஒரு இயற்கையான சர்க்கரைகுறைப்பான் ஆகும் (இரத்த சர்க்கரை அளவுகளைக் குறைக்கிறது). எனவே, நீங்கள் மருந்துகள் எடுத்துக் கொள்ளும் ஒரு நீரிழிவு நோயாளியாக இருந்தால், பூண்டை எந்த ஒரு வடிவத்திலும் எடுத்துக் கொள்ளும் முன்னர், உங்கள் மருத்துவரிடம் ஆலோசனை பெறுவது மிகவும் நல்லதாகும்.
  • நீங்கள் குறைந்த இரத்த அழுத்தம் பிரச்சினையினால் பாதிக்கப்பட்டு இருந்தால், பூண்டு உட்கொள்ளாமல் இருப்பது பாதுகாப்பானதாகும். ஏனென்றால் பூண்டு, இரத்த அழுத்தத்தைக் குறைக்கக் கூடியது என அறியப்பட்டு இருக்கிறது.
  • கர்ப்ப காலங்களில் பூண்டு எடுத்துக் கொள்வது பாதுகாப்பற்றது எனக் கருதப்படுகிறது. கர்ப்பிணி பெண்கள் பூண்டு உட்கொள்ளும் போது, நிதானமான போக்கைக் கடைப்பிடிப்பதும் மற்றும் உங்களுக்கும் உங்கள் குழந்தைக்கும் எது நல்லது என அறிய உங்கள் மருத்துவரிடம் ஆலோசனை பெறுவதும், மிகவும் நல்லது என அறிவுறுத்தப்படுகிறது.
और पढ़ें ...

References

  1. Peyman Mikaili et al. Therapeutic Uses and Pharmacological Properties of Garlic, Shallot, and Their Biologically Active Compounds. Iran J Basic Med Sci. 2013 Oct; 16(10): 1031–1048. PMID: 24379960
  2. United States Department of Agriculture Agricultural Research Service. Basic Report: 11215, Garlic, raw. National Nutrient Database for Standard Reference Legacy Release [Internet]
  3. Biljana Bauer Petrovska, Svetlana Cekovska. Extracts from the history and medical properties of garlic. Pharmacogn Rev. 2010 Jan-Jun; 4(7): 106–110. PMID: 22228949
  4. United States Department of Agriculture Agricultural Research Service. The origins and distribution of garlic: How many garlics are there?. National Nutrient Database for Standard Reference Legacy Release [Internet]
  5. Majewski M. Allium sativum: facts and myths regarding human health. Rocz Panstw Zakl Hig. 2014;65(1):1-8. PMID: 24964572
  6. Ayaz E1, Alpsoy HC. [Garlic (Allium sativum) and traditional medicine]. Turkiye Parazitol Derg. 2007;31(2):145-9. PMID: 17594659
  7. Juan Wang, Xiuming Zhang, Haili Lan, Weijia Wang. Effect of garlic supplement in the management of type 2 diabetes mellitus (T2DM): a meta-analysis of randomized controlled trials. Food Nutr Res. 2017; 61(1): 1377571. PMID: 29056888
  8. Eidi A, Eidi M, Esmaeili E. Antidiabetic effect of garlic (Allium sativum L.) in normal and streptozotocin-induced diabetic rats. Phytomedicine. 2006 Nov;13(9-10):624-9. Epub 2005 Nov 2. PMID: 17085291
  9. Ashraf R, Khan RA, Ashraf I. Garlic (Allium sativum) supplementation with standard antidiabetic agent provides better diabetic control in type 2 diabetes patients. Pak J Pharm Sci. 2011 Oct;24(4):565-70. PMID: 21959822
  10. Hassan I El-Sayyad, Amoura M Abou-El-Naga, Abdelalim A Gadallah, Iman H Bakr. Protective effects of Allium sativum against defects of hypercholesterolemia on pregnant rats and their offspring. Int J Clin Exp Med. 2010; 3(2): 152–163. PMID: 20607041
  11. Ginter E, Simko V. Garlic (Allium sativum L.) and cardiovascular diseases. Bratisl Lek Listy. 2010;111(8):452-6. PMID: 21033626
  12. Yadav RK, Verma NS. Effects of garlic (Allium sativum) extract on the heart rate, rhythm and force of contraction in frog: a dose-dependent study.. Indian J Exp Biol. 2004 Jun;42(6):628-31. PMID: 15260118
  13. Shukry Gamal Mohammad, Kusai Baroudi. Bacteriological evaluation of Allium sativum oil as a new medicament for pulpotomy of primary teeth. J Int Soc Prev Community Dent. 2015 Mar-Apr; 5(2): 125–130. PMID: 25992338
  14. H. T. Ajay Rao, Sham S. Bhat, Sundeep Hegde, Vikram Jhamb. Efficacy of garlic extract and chlorhexidine mouthwash in reduction of oral salivary microorganisms, an in vitro study. Anc Sci Life. 2014 Oct-Dec; 34(2): 85–88. PMID: 25861142
  15. Ankri S, Mirelman D. Antimicrobial properties of allicin from garlic. Microbes Infect. 1999 Feb;1(2):125-9. PMID: 10594976
  16. Davood Soleimani, Zamzam Paknahad, Gholamreza Askari, Bijan Iraj, Awat Feizi. Effect of garlic powder consumption on body composition in patients with nonalcoholic fatty liver disease: A randomized, double-blind, placebo-controlled trial. Adv Biomed Res. 2016; 5: 2. PMID: 26955623
  17. Mouna Moutia et al. Allium sativum L. regulates in vitro IL-17 gene expression in human peripheral blood mononuclear cells. BMC Complement Altern Med. 2016; 16: 377. PMID: 27681382
  18. Thomson M, Ali M. Garlic [Allium sativum]: a review of its potential use as an anti-cancer agent. Curr Cancer Drug Targets. 2003 Feb;3(1):67-81. PMID: 12570662